刺我玫瑰

(很久沒有update這個blog......近來真懶......)

今日重聽陳奕迅的「白玫瑰」，
頓覺，
歌詞跟我的曾寫過的小說內容有點相像......
我將歌重複聽了三四遍
然後
入睡了

我的小說：
http://hk.geocities.com/rictse/myFiction/loveDisasterFrame.htm

白玫瑰歌詞：

白如白牙　熱情被吞噬　香檳早揮發得徹底
白如白蛾　潛回紅塵俗世　俯瞰過靈位
但是愛驟變芥蒂後　如同骯髒污穢不要提
沉默帶笑玫瑰　帶刺回禮　只信任防衛
怎麼冷酷卻仍然美麗
得不到的　從來矜貴
身處劣勢　如何不攻心計
流露敬畏試探你的法規
即使惡夢卻仍然綺麗
甘心墊底　襯你的高貴
一撮玫瑰　無疑心的喪禮
前事作廢　當愛已經流逝 下一世
白如白忙　莫名被摧毀　得到的竟已非那位
白如白糖　誤投紅塵俗世　消耗裡亡逝
但是愛驟變芥蒂後　如同骯髒污穢不要提
沉默帶笑玫瑰　帶刺回禮　只信任防衛
怎麼冷酷卻仍然美麗
得不到的　從來矜貴
身處劣勢　如何不攻心計
流露敬畏試探美的法規
即使惡夢卻仍然綺麗
甘心墊底　襯你的高貴
一撮玫瑰　模擬心的喪禮
前事作廢　當愛已經流逝　下一世
怎麼冷酷卻仍然美麗
得不到的從來矜貴
身處劣勢　如何不攻心計
流露敬畏試探愛的法規
即使惡夢卻仍然綺麗
甘心墊底　最美的姿勢
一撮玫瑰　模擬心的喪禮
前事作廢　當我已經流逝
即使惡夢卻仍然綺麗
甘心墊底　襯你的高貴
給我玫瑰　前來參加喪禮
前事作廢　當我已經流逝　又一世

上映

朋友的獨立短片終於製作完成
昨天在鑽石山一個studio上映
他花了很多心機拍攝這套短片
我有幸充當1/3個攝影師和1/10個導演
影片比預期中要好
但始終是第一次
感覺上
很多東西還是很新手

期待他下一套作品^_^

Tim Burton 新戲

甚麼才是電影海報?
這才是電影海報!

Tim Burton + Johnny Depp鋼鐵組合
期待

榴槤新食法

有邊個係榴槤迷?

最近阿媽聽朋友介紹一種新食法:

先揀一d林身既榴槤, 再放入冰格裡面, 雪硬佢黎食...哇, 一舊100%榴槤雪糕完成!
XDDDDD

食落去既口感真係好似雪糕, 而且仲係真材實料, yummy!!!!

女像先決

昨天途經星光大道，碰巧那裡正在舉行化妝表演／巡遊，便停下來拍了幾張相。

拍攝人像，先決條件，不是器材，更不是技術，而是model本身。老實說，model漂亮的話，只要不是「鬆郁濛」和曝光錯誤的話，拍出來的作品絕對不會差得哪裡去。不過這正正是讓一眾影友迷失的地方。

發現很多影友，拍攝人像已有一段日子，但出來的作品，除了換了model外，很多時都感覺不到有甚麼變化。

攝影是一種創作，說得正確一點，其實是一種「後創作」。這裡所指的「後創作」，不是指拍攝後的後製工夫，而是攝影本身，從本質來說，已是一種後創作。

上帝用六天的時間創造了世界這件藝術品，我們攝影人的工作，只是將自己認為美的部份，用相機框下來。

怎樣框？何時框？如何框？為何框？這就是攝影－－這種後創作的藝術。

至上(2)

其實，
相比我們，
妓女又怎算得上是出賣自尊的行業？
賣肉為生
已經是很崇高了

...........答

先為沒有看過「死亡筆記」的朋友簡述一下故事內容。

主角夜神月是一名天才少年，一天，他拾到了一本不明來歷的筆記本，封面寫著「Death Note」的字樣，內裡用英文寫了「使用方法」：只要在筆記本上寫上一位自己見過的人(相片也可以)的真實名字，那人便會死亡。

於是乎，夜神月便開始利用這本能操控人生死的工具，去殺死那些罪犯、壞人，企圖令世界變成一個零罪惡的樂土，變成他心目中的理想國。

* * *

「死亡筆記」絕對是一套好漫畫。隨著故事的推演，大致可分為三個階段/層次：最初的劇情著重於描寫主角如何巧妙的避開警方的調查（主角雖然一心只殺死壞人，但終究是殺人犯），當中的鬥智鬥力，極具張力。

中段，開始講到主角己逐一將阻礙他大計的人剷除（好人，親人亦無法幸免），慢慢去計劃創造他的新世界。這部份比較多著重於描述主角的內心世界－－他應為自己已經成為了新世界的神。

到了後段，信奉主角，或者受到主角殺人神力所懾服的人與日俱增，主角便開始利用這些信徒，與對抗他的人周旋。

* * *

權力使人腐敗，
絕對權力使人絕對腐敗

縱然一個人有何等崇高的理想，為萬民謀福祉的理念
一旦擁有無上的權力／能力的話
最終只會變成魔鬼

中國最近禁止販賣「死亡筆記」這套漫畫，
官方的理由是「此漫畫宣揚及鼓吹神秘主義」
哈哈，
好一個莫須有的理由
我看，
真正的理由，
莫過於這套漫畫的反極權主題，
觸動了中央敏感的神經線。

至上

笑容，只是我工作的一部份，
與喜怒哀樂沒有丁點兒的關聯。

問......

大家有無睇過「死亡筆記」漫畫或電影?......



......(待續)

「斷正」

攝於香港濕地公園 - 人文展覽館
政府公然在自家地方展示此等「極度淫穢及不雅」的圖片
賊喊捉賊
周官放火
教壞細路
罪加一等

ps, 曾將此相貼於其他網站, 竟有網友回應: 「都無露點」......唉。唔通真係要畫出腸先得？

東坪洲遊記

生平第一次去東坪洲
好興奮!

上星期六晚搭包船入去
其實應該叫大飛比較貼切D
隻船貼住海面咁飛
拋下拋下咁
好危險
但好好玩!

住既地方...
ok啦
無蛇蟲鼠蟻
幾乾淨
不過就無冷氣XDDDDD

可惜既係
萬眾期待既日出
唔係好靚
無乜雲彩

不過
令我十分之印象深刻既係
等待日出既時候
訓起涼浸浸既岩石板上面
望住漫天閃閃既星海
(香港竟然仲見到星海!感動!)
o個種感覺
真係非"倉頡"所能形容XDDDDDD

最後
要多謝"青寧"
邀請我去呢次活動
如果唔係有人搞
我咁既一把年紀
真係無乜幹勁去d咁遠既地方影相^_^

星夜@東坪洲

躺在透涼的岩石上
看著漫天閃閃的星海睡覺
夫復何求

三水荷花世界(2)

得閒出d相...得閒又出d相...

三水荷花世界

上星期跟一大班影友
包了一個旅行團
去了三水荷花世界影相

很久沒有試過帶著一整套沉甸甸的器材
去外影了
在兩天的行程裡面
除了坐車, 吃飯
就是攝影

爽！

坐盒觀天

十分喜歡這個新商場的名字
或許取名者無心
但我倒覺得
頗有自我嘲諷的意味

現今的香港人，包括我
早已被馴順成為「大型商場」的奴隸獸
名牌，大型連鎖店，Food Court，戲院......
當每一個「場」都自稱是獨一無二，有主題風格的時候
其實都只不過是千篇一律的公式倒模過來

現今的大型商場
為求與高檔二字掛勾
通常只會吸納名牌子，大牌子，具規模的連鎖店進場
這種做法
間接抹煞了那些特色小店的存在

當我們看見利舞台清拆後
改成了甚麼光景
便會心痛：
我們需要的真的是這些嗎？

I'm not a plastic bag, but a...

原來
只要一種商品
掛上「限量」二字
便會引來一條「蛇」，或者一條「龍」

為了一個購物袋
花上生命中一天的光陰
值不值得
見仁見智

但對於我來說
時間，是享受生活的第一元素
而排隊
對於我來說
就是燃燒生命的第一元兇

使用膠袋
固然是一種浪費
但
花長時間排隊
更加是一種浪費

十種最想出現的發明

1) 手提冷氣/冷氣內衣
註：必須是環保型~ 避免全球暖化XDDDDD

2) 必醒鬧鐘
唔醒鬧到你醒, 防震防水, 上班一族必備

3) 永久去面油面膜
唔想解釋

4) 除屁味肛貼
都係唔想解釋

5) 小病製造機
請Sick Leave專用器材, 冗員一族恩物, 唔使次次走入診所面懞懞咁對住同一個醫生講同一番說話: 醫生, 我肚疴.......

6) 除電話鈴聲耳貼
唔係除自己o個d, 係除身邊路人甲路人乙既鈴聲. (前排)我雖然鐘意細契, 但我唔想塔lift又「講不出聲」, 行街又「講不出聲」, 睇戲又「講不出聲」.

7) 改變盲點位置儀
讀過生物科既你應該知道, 我地既眼球裡面有一個「盲點」, o個度係接收唔到影像既, 即係話睇唔到野, 如果我地可以任意改變自己個盲點, 將佢對住一d我地唔想見到既人.....世界太美好了......

8) 思想輸入法
WUTIWTCD: What U Think is What the Computer Display. 唔使打字, d水晶甲就唔使崩唔會花, 快靚正! 其實, 我依稀記得日本/美國已經有呢種發明, 只係未民用化啫.

9) 阿媽除聲裝置
其實, 阿媽對我真係好好, 好錫我, 好關心我, 只不過....有埋呢個裝置, 間中開下黎用, 唔使多, 一個月兩三次, 咁就世界大同啦......

10) 乾塘lu, 你地幫手諗下啦, 食飯先

DNA

今天
沒有甚麼特別事情要做
本來想提起幹勁去影相
可是
今早醒來
已是十二點
「中午頂光不美啊」
於是乎在床上展展轉轉
攤屍到一點多便吃飯去
飯後
飯氣攻心
一面攤在沙發上
一面看第N次的「唐伯虎點秋香」
依然好笑
三時許
入房玩了一陣電腦遊戲
再在書櫃裡翻出了一張陳年VCD「驚天十三日」
看了三分一
不行...
飯氣直入五臟六腑
於是跳上大床
呼呼睡去
醒來
已是晚上七時
撥開窗簾
目定口呆
好美的Magic Hour......
我抓著窗花
定睛的足足看了五分鐘
走出廳
又走回房去看窗
如是者來回了兩三次
心念一轉
閃電般的穿上牛仔褲和T-shirt
背起相機袋衝出門口
媽媽急問:「去哪裡？吃飯了！」

「影相！」

人體內有兩種DNA
從來都是互相排斥
水火不容
它們就是
攝影的DNA
和
懶惰的DNA
偏偏它們都同時存在我的身上

「早起的小雞有蟲吃」
各位有心有力的攝影朋友們
在這幾天天氣極好的日子
已經拍了很多驚艷的作品
真是令人鼓舞

我常常埋怨自己運氣差
拍不到好的風光照
其實
「自己懶就懶啦！」
哇哈哈

華麗妖殺團

兩年前
一位朋友介紹我看這本書

一看之下
驚為天人

這是一套「現代武俠小說」
通篇故事以吸血鬼為骨幹
說幾名吸血鬼獵人追捕(及被追殺)吸血鬼之王的過程

一篇小說是否出色
其中一點
在於它是否能功為讀者帶來visualization
即是說
單看文字
便會令讀者腦海產生出澎湃的影像

這部小說做到這一點
而且做得非常之出色

當年
我看完了小說後
第一個想法
就是
如果將它改編成漫畫、動畫或電影
一定會非常非常非常非常非常非常非常非常之吸引

推介給喜歡打打殺殺的你！

一生中最遺憾的事

直至現時為止
一生中最遺憾的三件事有：

１）無睇過「布吉情慾短片」

作為一個香港人，你可以無投過票，你可以無去過七一，你可以唔識得李嘉誠係邊個，你可以唔用八達通，你可以食豬腸粉唔落甜醬，但係，絕對唔應該無睇過呢段短片！

我！竟然咁不幸未睇過！

我明白......你一定會叫我咁做......但係我已經試過！－－Youtube係無呢段片的！

頂！

２）中學時期無去識女仔

以前既我，係活生生既自閉青年，用現代既術語，即係電車男，或宅男，或隱閉青年。除左睇漫畫，打機，同睇電視之外，就係睇公仔書，玩遊戲機，同埋看電視劇。

而家既我，睇返以前既我，真係好唔明白，點解身邊有咁多女，我都唔鬼走去識佢地？ｄ女質地又唔係差嫁喎。唉，大個左先了解一樣野，機，幾時都有得打，但係，一生之中，就只有中學呢幾年時間，係可以成日俾一班女包圍的！

仲要一係班著制服的女！

不過，大家唔好誤會，我中學既時候係拍過拖的......

３）無去過虎豹別墅

起我眼中，天星，皇后，要保留的話，虎豹別墅，絕對有更多理由令她繼續存在。

至少，我起Street Fighter呢隻Game裡面，見過佢地用虎豹別墅黎做場景。

呢ｄ，就係Icon。

可惜，真係好可惜，我一次都未去過。

４）暫時諗到係咁多，有機會繼續，打機先。