我的2012攝影回顧(Part 2)

2) 自作業

2012年，人生踏入了另一個新階段。
結婚。

而香港人，婚前的指定動作，就是影pre-wedding。

作為一個攝影愛好者，總不想假手於人，於是乎自己動手，拍攝這輯相。

我們共拍了四天, 兩天在一個studio內, 天兩在馬灣公園。其實2011年中我們去沖繩旅行時已經順道拍了一些, 但數量太少了, 所以我們趕緊在結婚前多拍一些。(哈哈)
自作業，不但止耗時間，花精神，出來的作品也不會比外人影的好。但我深信，過程，從來都比結果來得重要。

感謝內子日日姐陪我一起瘋狂。

我的2012攝影回顧（Part 1）

1) 攝影比賽

坦白地說，參加攝影比賽，四成是因為虛榮心，六成是貪圖獎金獎品。自己的作品，得到評判認同之餘，更能換到實在的東西，絕對是一種推動力。自問是個十分吝嗇的人，偏偏攝影這玩兒所費不菲，所以用獎金獎品資助我購買攝影器材，無論對我，或對老婆，都會好過一點（哈哈）。

因著老婆日日姐的鼓勵（另加20%要脅），小弟於2009年開始參加第一個攝影比賽（第一屆Canon Photo Marathon）並僥倖獲得冠軍，其後一直努力發掘及參加大小不同的攝影比賽，直至現時為止，共於22個比賽中獲得獎項。

2012年共得了6個獎：

a)  Samsung感動在細節中攝影比賽 - 冠軍

這個比賽比較特別，由於是Sumsamg贊助，參賽者都必須使用大會借出的Sumang NX200無反相機，於七天內拍攝共五幅作品。主題是自選的，我想也沒想，便選了「貓」作為主題。起初打算找朋友的貓來做model，但後來想一想，自己還是喜歡拍攝街貓，所以便捨易取難，找兩天空檔時間，到街上碰碰運氣，尋找街貓的蹤影。

始終街貓不是你想見就會遇到，縱然發現了，也未必有理想的畫面。所以最後提交的5張作品中，有四張只是平庸的相片，幸然，有一張自己也頗為喜歡。

這個比賽另一特別的地方，是提交相片的同時，亦要提交一段約200字的感想。以下是文章內容:


「牠們活在城市的角落，
與我們一起生活著。
牠們有點像神明，
舉頭三尺，總會發現牠們的蹤影。

牠們本來不屬於這裡，
是我們把牠們帶來這個石屎森林；
是我們把牠們遺棄在這個這個石屎森林。


牠們不懂得輕生， 也不懂得嗟怨，
他們只懂每天的生存著， 
努力玩，努力睡，努力尋找下一頓的溫飽。
然後，照樣細緻地用舌頭清潔自己的身子， 等待下一天的來臨。

有時候， 
我從一些貓那種高度警惕性的眼神當中，
體會到牠們或許從來不需要我們的憐惜，
在牠們心中， 
可能只需要我們給牠們一點空間，一點包容，已然足夠。」


以上是我在自己 Blog 裡寫過的一篇文章。我喜歡貓，我喜歡攝影；如是者，兩者連結在一起。我尤其喜歡拍流浪貓，牠們堅強，而且充滿生命力。每個月，無論多忙都好，我總會抽空，帶著相機，穿過橫街窄巷，尋找貓兒的蹤影。過程就像尋寶，未必每次都有收穫，但若果有幸見到牠們，甚至拍到一兩張滿意的作品，已經足夠我開心一整晚。我希望透過相機，讓大家明白到，這個城市裡，其實有很多貓兒朋友與我們共存。牠們的出現，大部份是源於人們對「我要寵物」的一時快感。沒好好想清楚，往後發覺打理麻煩，就隨手遺棄在街上。

養寵物，如生小孩一樣，是一個重大的決定，事前必須深切地想清楚。決定了，就絕對不可以放棄。

* * * * *

這個比賽令我更加體會到，拿著相機的時候，不用計算太多，只需忠於自己，拍攝你自己喜歡的東西，便已足夠。

b) DCFever攝影比賽 – 優異獎（黑白組）

這張相是一次坐電車時隨手拍下的。總共拍了數張，才得出這張作品。起初拍時，背景是街景，畫面比較雜亂，但剛巧有一輛電車經過，不但淨化了背景，車身廣告上的「敢想」二字，更為相片添了不少趣味性。慶幸的是，雖然相中女生知道我在拍她，她不但沒有阻止，而且保持神態自若。真是要多謝她的「合作」。

當她下車的時候，我本來想跟她說：「給我email好嗎，我將相片傳給你。」但當然，最後我沒有勇氣這麼做。

c)  Julique綠色地球攝影比賽 - 季軍

這幅作品拍攝於2012年度的維園花展。話說回來，很久沒有去花展了，上一次去已經是2004年的事。自那次之後，發覺不但人多擠迫，而且花雖美，但始終太過人工化，缺乏靈氣，所以再沒有興趣去了。但事隔多年，想再去看看有沒有變，可惜，答案是：十年如一。

d)  DiGi愛攝影愛生活攝影比賽 - 冠軍

老實說，這張相片不算突出，我也不是十分喜愛這幅作品（如果天空再美一點，大廈再密一點會更好），勝出的原因，大概是貼題吧。（比賽主題是「共融大自然」）

另外想帶出一點，攝影是隨時隨地的，喜歡就拍，有感覺就拍。很多朋友都知道，我很喜歡貓，也很喜歡拍攝街貓。一天，我到中上環拍攝街貓時，經過一楝唐樓，舉頭一看，看到一棵植物孤伶伶的伸了出來，有感覺，就拍下來。拍的時候也不太滿意，回到家裡也只是抄到硬碟裡就算了，也沒有將相片上傳到facebook之類。其實，隨時隨地拍下一些自己有感覺的相片，當下未必知到用來做甚麼，但總有一天用得著。這是攝影導師Martin Lam，以及Martin的師父葉青霖先生所說的。

e) e-zone深水埗風貌攝影比賽 - 優異獎

這張作品沒甚麼好評價，純粹拍來為參賽而參賽，所以只得優異獎，很公平。

f) 創新科技署之科學園光影之夜攝影比賽 – 冠軍

拍攝夜景，最好的時間，其實不是入夜，而是剛剛日落，大廈著了燈，但天空還是藍色的時候，即所謂的「華燈初上」時份。因為太夜拍攝的話，不但天空一片死黑，而沒有燈光照耀的景物也會變得太暗，畫面會變得不夠層次。此外，大廈燈光是暖色調，藍天是冷氣調，冷暖色調相撞，畫面更加悅目。

還有一點想補充，攝影界不時會出現一些新潮的技法，如Light Painting及HDR等，我自己也很喜歡仿傚這些技法，但千萬不要濫用，否則便會反成為沒新意的作品。就好像這次「光影之夜」攝影比賽，很多參賽作品都是玩Light Painting或水晶球。當大部份人都運用同一種技法時，即使多獨特的東西都會變得普通。

老實說，自己也曾經陷入過類似的死胡同，有一段時間，很喜歡拍攝水晶球提交比賽作品，但後來發現，隨波逐流，始終不及忠於自己。

核爆忙的清明復活節

今年既清明節連住復活節咁落, 只要請一日假, 就可以享受6日假期。我, 係有請o個日假的, 不過, 就純粹係因為當日要幫Daisy既朋友Stephanie既親戚影婚宴相, 所以先要請一日假。而之後o個4日假期, 亦都因為要搞結婚野, 搞到日日都差唔多忙過返工=.=

ok, 咁放假呢6日做左D咩呢?

4/4/2012(星期三): 假期第一天, 返去大埔新屋, 將暫時放起1818室既雜物, 床褥及梳化搬返上黎。好在, 有Daisy成家人出動幫手搬, 真係要多謝佢地。

5/4/2012(星期四): 就係呢日請假幫人影相。只係影夜晚婚宴, 咁日頭做咩呢? 時間唔好side! 又係搞結婚野, 就係去中環祥興拎返套做好既禮服啦~ 咁順便之前去上環影下街貓。

6/4/2012(星期五): 拎左禮服, 當然去影下pre-wedding啦, 我地借左Daisy既姨姨起大角咀既studio一用。影左大半日~

7/4/2012(星期六): 中午12點, 約左Daisy朋友Carmen一齊去馬會睇場, 睇下邊度有位放我地D派俾嘉賓既相, 同埋睇下D Decoration。Carmen做開搞event, 俾到好多意見我地~~~真係要多謝佢。之後, 下午做野呢? XD 唔夠喉, 用多日繼續去studio影pre-wedding XD~ 影左兩日...我地兩個人成身散晒!!! 最辛苦係自拍既關係, 成日要來回走動對位, 累之餘, 又影得慢, 不過都開心既, 啊Daisy姐睇返我地D相, 話笑到肚痛。始終一手一腳自己黎, D相片睇既時候都特別有親切感。

(有時我地四隻手都要做動作時點自拍呢? 上面呢張相就係答案XDDDDDD)

(影完一日....studio變成垃圾崗XDDDDD)

8/4/2012(星期日): 上午, Daisy姐一家去粉嶺拜山, 1:00pm, 我同佢地一家起粉嶺集合, 一齊去深圳。做咩呢? 繼續為結婚XDDDDDDDDD 先係東門附近既一個叫窗簾廣場既地方買新居既窗簾, 我地要做三幅, 總計差唔多600蚊人仔。跟住就去寶安北路既筍崗工藝城買結婚當日要用既"笠雜"野(eg, 利是封, 紅傘, 喜字貼紙, 對聯)同埋過大禮既「套裝」(eg, 椰子, 龍鳳蠋), 埋單around 650人仔。真係要多謝Daisy姐搵到去呢度買, 如果香港買, 真係貴好多!!! 呢日好忙, 去完深圳, 先將買返黎既野放起大埔, 再出去沙田大會當, 聽網去9妹既演奏會。我同Daisy之外, 網友moon姐, 小虎媽, 貓爸同埋poemet都有出席捧9妹場。

9/4/2012(星期日): 唔得啦, 忙左咁多日, 成為hea爆人生協會既會長, 真係要俾自己休息一下。咁成日就起屋企訓同睇下電影, 叉返一日電, 迎接聽日既死亡工作=.=

阿門。

從攝影比賽得獎作品看相片的取材

這是一個攝影比賽的得獎作品名單:

http://www.dcfever.com/campaigns/2012/lovetravel/result.php

無獨有偶地, 今天在兩個forum裡看到不少人批評冠軍相片沒資格得獎, 認為其他入圍作品比那張相更好。別人的批評我不敢評論, 只以我自己的觀點去說些想法。

先粗疏地將相片分成兩類：１）美的相片。２）突出的相片。

美的相片未必會得獎，但得獎的相片大部份都是突出的相片。

季冠相片所拍的北極光，固然美，但，在我腦海裡，這一種構圖的相片已見過不少次，而這一張亦不是最美的北極光相片。

相反，我見過很多人拍過山車，但像冠軍作品這種構圖實在少見，而作者的確能將本來線條複雜的路軌拍得毫不凌亂之餘，亦利用了wide鏡的特性，將左右各兩條的路軌形成了四條引導線，將觀眾的視線引導到中間的主體過山車。

而其他的入圍作品中也有如季冠的情況：相片的確是美，但感覺總是「熟口熟面」。

我沒有資料評定冠軍那張相是不是云云入圍作品中好最的一張，但至少，那張相是給了我一些新角度去看過山車。單刀直入說，下次影過山車，我都會「抄考」這張作品的構圖去影。

就是這樣。

蜜月地點已敲定!

婚禮搞得7788, 係時候諗婚禮之後既環節 --- Honeymoon!

日日姐最想去馬爾代夫，其實佢無乜所謂，去歐洲得，去日本得，不過因為婚禮之後一定好累，所以佢唔想plan，而去馬爾代夫全程留起resort裡面，唔使帶腦去，一流！

而我嘛，本來想去歐洲，可以見多Ｄ野，不過，去馬爾代夫我都鍾意，有靚景，又有魚仔睇～

所以最後都係決定去馬爾代夫。不過價錢原來都好貴下，早幾年仲係萬幾蚊搞掂，而家都得，不過只可以住beach villa。。。我覺得，住得馬爾代夫，梗係住好少少啦，同埋要住ocean villa, 即係成間屋起起水上面o個隻，咁先有feel嫁嘛，否則同去峇里無乜分別。

經日日姐上網做左好多research後，心水有以下幾間：

1) Ayada Maldives – 新起，價錢又唔算好貴

2) Dusit Thani Maldives – 呢間都係新開的。本來無乜留意呢間，但影友Tango剛剛去過馬爾代夫做完攝影工作，住過兩三間之後，大力推介呢間俾我，話Ｄ野食好正～

3) The Residence Maldives – 呢間仲新，新到要4月先開張，所以有優惠。

4) Constance Halaveli Resort – 呢間就一開始估research已經想揀，不貴之餘，亦勝在夠大路，不過就相對舊少少。

5) Jumeirah Vittaveli – 揀佢都係因為新起。

好啦，最後五強終於誕生。啊，sorry，四強至真，因為。。。Tango 後尾話Ayada Maldives　Ｄ service唔得，而且房裡面仲見過。。。有蟑螂！！！OUT！！！

為左揀出其餘四間既冠軍得主，於是我同日日姐今日就出左去旺角雅蘭中心上面既Wincastle (安運滿Fun)度問清楚價錢，再作決定。

我地初步既行程係：6月12號出發，17號離開馬爾代夫，再去新加坡玩，21返港。

先問Dusit Thani，詳價如下（我地揀最貴既Ocean Villa with pool，而Ocean Villa用餐可以自動upgrade去half-board）:

Room rate: $17599 x 2個人

機場及其他Tax: $2902 x 2

Extra night: $9360 x 1 x 1 (因為package只有2晚，要加多一晚就可以stay 4 nite pay 3 nite)

Extra night bed tax: $64x2

Early bird discount: -$468x1x3

Ticket discount: -$400x2

Total: $48286 / 2 person

咦，又無想像中咁貴，因為佢個ocean villa唔使加錢就可以有half-board.

Ok, 睇埋其他幾間先~

Jumeirah Vittaveli: $46122

The Residence Maldives: $49402

Constance Halaveli Resort: $51192

照計就Jumeirah Vittaveli平Ｄ，不過佢係搭快艇，就一日去到resort已經係晚上11點，其實即係無左一晚，所以唔揀。而The Residence Maldives都想揀，因為佢係All meal inclusive, 仲包一次潛水，但。。。佢太新啦，開到未開，無comment睇，搏唔過。。。

所以，最後都係敲定Dusit Thani Maldives!!!

Yeah, 揀好唔使再煩XD, 不過。。。佢要一次過俾錢，仲要俾現金。。。真係好金。。。

而家馬爾代夫Ｄ酒店既規定係，你要過左數，先再覆你有無位，好cheap精(如果無位都可以揀第二間既。。。)。唯有盡快星期一過數俾佢，再等佢覆。

是日大出血=.=

話說日日姐個朋友Mandy有單job搵我做, 但因為其中一個要求係要中午拎D相出去晒, 咁就死啦~ 要咁做, 一定要一部notebook, 用黎揀相(就算唔執相, 都要抄落一個地方去揀~)。最弊既係我無notebook(咁大個仔, 未擁有過一部=.=).......好在, 其實我地搬入大埔既時候都會打算買部notebook俾日日姐用黎睇劇上網, 咁就不如早D買啦。但買乜牌子好呢, 毫無頭緒...之前成日聽日日姐爸爸講, Fujitsu好, 咁就一於唔諗揀呢個牌子, budget就5k-6k。訂好範圍, 早兩日先去瘋澤睇下, 因為貪佢用citibank有10%回贈。見到有部用"i3" CPU, 15.6吋mon, 折實$5998, 唔錯。

好啦, 因為後日就要出job, 今日一定要買到。於是今日中午放工就打算同日日姐出去買。另一方面, Leona之前見到實惠開倉, 同日日姐一齊去, 不過地點.....係西貢, 超遠! 但日日姐想買張床褥俾爸媽, 無計, 遠D都要去。於是今日佢晨咁早就起身, 10:30am約Leona起旺角等一齊入去。點知, 11:30去到......已經無晒貨!!!!!!!! OMG, 入寶山空手回, 個寶山仲要起山卡啦咁遠, 諗起都唔開心, 不過好在, Daisy朋友Stella住起西貢, 於走離開實惠呢個傷心地後就去探Stella, 都叫做入西貢有D野做過。

之後, 我同日日姐出去深水埔meet up。先去黃金睇notebook。頂! 原來瘋澤同百老匯呢D大型連鎖店D notebook超貴的。同一個model, 黃金只係賣$4998!!!!! 仲可以加到8GB ram!!!!! 好在無買到jack。起黃金睇左一轉, 最後都係想買好少少, 於是就將target由 i3 CPU改做 i5 CPU, 價錢都係$5998~ 瘋澤, 你好死吧XD

行行下，忽然間記起上次買燈間舖就起附近！於是上去睇下，入到去，日日姐都話Ｄ燈好平，佢睇中左一盞啡色既倣藤罩吊燈，仲要係大愛o個隻($190 only!)，因為個色水好襯地磚！跟住揀埋房燈同廳既水晶燈($780)本來諗住買嫁啦，但發覺無大埔鎖匙，鄭師傅今日又唔起大埔。。。無辦法，只好下次先買=.=

跟住就係去睇床啦。其實今日黎深水埔主要係買床。因為我地間房窄，只得75吋，現成既油壓床無咁既尺寸，一定要訂造，而之前易僅話佢Ｄ傢私都係起呢度造，於是過黎深水埔睇下。睇左5-6間，款就間間差唔多嫁啦，始終得75吋，床頭只可以做一塊板，都無乜款式可言，所以主力都係睇價錢。幾間裡面，價錢最平既係$2800(14吋高) + $300(加高到16吋)，夾板料。反而易僅介紹o個間仲貴，14吋高已經要$3500，仲要係纖維板=.=，可以不理。睇完晒，心裡有個大概，日日姐話再返去大埔一間傢私舖睇後再決定。

OK! 返去黃金買notebook啦! $5998, hard cash價，連EPS都唔收XD, 今次有勞日日姐俾住先:P。先落$200訂, sales要裝windows, 一個鐘頭後黎拎。於是我地就索性去埋旺角教協買雪櫃。好在有貨，又唔見$2905(好在之前買抽油煙機有$100現金券，所以只係俾$2805)。之後再去星際買eneloop叉電同Lumiquest閃燈色片(出job用)。跟住就返去深水埔，先去螢記買左個山寨ring flash(影花草蟲蟲用), 再返去黃金接我部notebook新玩具，hohoho~

是日行大運大出血報告完畢，多謝收看!!!

10對準新人當中一定有18對係會同屋企人嘈交=.=

話說日日姐琴日同佢媽媽傾緊d結婚野


佢媽媽話: 哎呀, 唔使搞咁多野啦~ 簡單d咪得law

聽落好似為日日姐著想咁

但日日姐回左一句: 其實我已經唔算搞得好複雜, 況且我都係因為你地先搞婚禮, 我想你地開心。

就係呢句"我都係因為你地先搞婚禮", 佢媽媽就發晒火, 覺得日日姐俾說話佢聽, 於是就話: 唔想搞可以唔搞嫁!

咁事實上, 日日姐係唔想搞婚禮的。咁日日姐話: 咁我唔搞得唔得?

佢媽媽竟然答: 點可以唔搞嫁! 就咁俾人地個仔拎走左個女邊得嫁!

哇~~~ 真係啤一聲喎!!!

登登登記 + 做禮服

登登登登~~~ 今日終於做埋最後一樣婚禮必須既樣，就係上網拎婚姻註冊處既籌。

以前聽過好多朋友既經歷，拎呢個籌同打仗差唔多，雖然係網上登記，唔使親身排隊，但因為係先到先得，所以要晨咁早捕起電腦前，仲要話搵好多朋友一齊同時間上網，務求拎到頭幾名既籌。

好在有日日姐幫手，佢起網上搵左好多相關資料，仲俾佢搵到有個叫Roboform既software，可以幫你自動填form，縮短輸入資料時間，咁就可以增加拎到頭籌既機會，YEAH~

我地既註冊日期係9/6/2012, 而最快可以登記呢日既日期就係今日。。。個網每日8:00am先開始運作，我地大約7:30起身準備。因為驚部電腦有咩衣郁，所以之前o個晚係無熄到電腦，驚佢熄左開唔返=.=。而我亦於早兩日之前溫過一次書，試下點用個Roboform同埋點樣登記。好啦，到7:59分，我個心已經跳到怦怦聲，我同日日姐就開始一停reload個網頁。。。一見到入到個網頁之後，心跳加速到十萬倍，感覺就好似以前中學考試，去到得翻一分鐘，但仲有一條問題未答咁樣，不停做做做。。。好！入好晒資料！按繼續！咦！佢話我個HKID已經有人用左！哈哈，因為之前溫習過，知道應該係日日姐已經成功登記左！唔夠5秒之後，日日姐就打電話黎啦～～～YEAH!!! 登記成功！仲要拎到第一個籌！！！日日姐好叻叻！！！

呼，終於任務完成，可以任我地揀想要既時間啦。之前計過，我地其實2:00pm至3:30pm註冊都ok, 如是者，如果拎到1-6號籌都ok既，但而家有頭籌，咁揀時間就更加自由～～～等遲Ｄ計到晒個當日rundown，再決定正式註冊時間。

呀，唔記得講，為左今日既登記任務，我同日日姐都請左半日假。咁請左假就唔好浪費啦，我地10:45am出左去中環，去左間網上都幾出名既「祥興」(中環皇后大道中79號萬興大廈四樓)造我套禮服。呢間野真係好平，$998就可以造到一套禮服(外套+褲)，平過出面買呀真係，而家款式同用料都ok，上網睇過Ｄblog，so far個個都讚，無人彈過。其實本來我地大年初七係上過去一次的，點知一上到去，未開門一特止，門上竟然寫住「大年廿九開市」。哇，真係好生意到唔休做XD。

我地11:00上到去，當時有已經有兩個人度緊身。個師傅叫我地揀下布料先，但見到幾百樣布料，毫無頭緒。。。咁就去睇下衫款先啦。見佢掛左兩款出黎，一款係個領係有個叉位的，另一款係圓領的，我開頭睇落覺得叉領好睇Ｄ，但日日姐話圓領好似young d，於是就著上身試過，哇，圓領o個件大愛啦～著得我好型XD。於是諗都唔使諗，揀呢款啦就！不知不覺間，店裡面多左好多人～～～大約６－７個人度啦，佢地都係黎做西裝的。哇，我同日日姐都偷笑，好在早少少到咋，否則都唔知排到幾時。

好啦，到我度身，個師傅一頭白髮～我估有6-7十歲啦，雖然唔係笑笑口咁同你講野，但亦唔會好似Ｄ恃老賣老既伯伯咁，對你呼呼喝喝，客人有問題佢都會一一作答，感覺都幾好。最後，我地經師傅介紹下，揀左隻黑色料造。兩個星期後叫我打去問做到未～OK!又搞掂一樣!

跟住我地去大快活勿勿食午餐, 12:15 Margaux黎中環交隻介指俾我影相。跟住我同日日姐就分開，佢去返工，我就去北角上一個公司既Seminar。個Seminar上到4:30pm，我就搭叮叮出去接日日姐放工，一齊去銅鑼灣既花園餐廳撐下台腳。食飽飽之後，我地就去宜家行左一陣，睇下新居要買既傢私。基本上宜家我地已經行左9萬幾次，不過次次去都唔悶嫁，因為。。。好多傢私始終仲未諗到買D乜 XDDDDDDDDDD

情人節

今年情人節, 同上年一樣, 都係同Daisy幾位朋友一齊去返同一間酒樓(銅鑼灣信和廣場稻香)打邊邊。因為去其他餐廳食實在太貴啦, 間間都抬高晒價, 而且無得俾你揀, 硬食一款套餐。唔想變做水魚俾人湯, 於是大家, 一共三pair人出黎烚下烚下開心下XD

話說我一放工就趕去搭火車去紅磡轉104巴士, 7點半唔使就去到lu, 一上到酒樓, 見Daisy妹努力咁寫情人節卡, 一見到我, 就"咦~~~~~~~~"一聲很不忿氣地收埋張卡XD 原來佢仲未寫好~ 不過佢都好慘, 原本諗住琴日買既, 但公司竟然突然要OT, 做到成9點, 放工D舖頭都關門lu, 原本諗住今日放工去買, 但間間舖都賣晒! 最後要去到教協, 好彩仲淨返一張! 哈哈!

情人節真係唔講得笑...今晚成間稻香都好靜, 我估得一半客。

食既過程就唔講啦, 都係o個D law, 不過無得食雞子law~ 佢D friend太驚XD, 但就食到我其中一種最愛既鮮草菇, 我食左好多XD







食完, 大家就散, 我同Daisy妹去左Chocolate睇衫, 因為佢識人有半價, 不過就揀唔到=.=。唉, 本來想行多陣街, 不過我又要返屋企執相(M小姐的珠寶相)~ 咁只好早少少走啦~ 臨走前, 我地起地鐵站裡面交換情人節卡。Daisy姐o個張好靚呀, 唔講唔覺係賣淨最後一張既貨品。而佢一打開我張卡時, 大笑左幾十秒XD, 佢好鍾意呢, hahahahaha, 見佢咁開心, 我都好開心!!!

今年情人節雖然係平淡左DD, 但一來為慳錢為結婚(唔去食貴野), 二來為賺錢養Day Day! (早D返屋企執相), 從另一個角度睇, 呢D叫「先苦後甜」^___________________^

買磚記

好啦, 新年前馬鞍山間屋裝修好, 終於到大埔間屋裝修啦。話說新年前幾日鄭師傅已經開始開工, 鑿定野先(其實我覺得佢係想開左個頭, 收左首期錢先:P)。今日就同佢&日日姐出去旺角揀磚啦。我地同師傅約左3:00pm起"和昌"等, 但其實.......我地仲未諗到買乜磚的XD。於是乎我地兩條友早左少少出去旺角再睇下先。因為之前原本係揀好左一隻西班牙布紋磚的, 但實地去過一間砌左呢隻磗既單位睇時, 又發覺唔靚! 只好重新再度過。

好啦, 入左一間舖頭睇, 見到一隻木紋磗幾靚! color tone ok, D紋理又ok! 尺寸都ok! 唔怪得啦, 原來係意大利磗! 實ok啦! XD。不過個價錢又唔算貴喎, 圍起上黎$28一尺, 平常意大利磗至少要$50-$60一尺, 而家$28真係算啦。

之前唔揀木紋磗係因為驚太多掃口, 唔靚仔, 但無計啦~ 其他磗仲核突, 而且睇過阿嵐同易瑾屋企, 佢地都係用木紋磗, 其實都唔錯的~~~ 最後我地終於揀左呢隻木紋磗!!! 仲配埋啡色既掃口粉, 再叫埋鄭師傅舖磗時盡量整細D條掃口, 希望整出黎靚仔D。

價錢...連埋腳線磗...要$10,100! 馬鞍山間屋, 成間既磗夾埋都只係9千幾蚊XDDDDDD 出血就出血啦~~~ 地磗呢家野, 舖左就無得換, 所以我一直話, 只要鍾意, 貴D都無所謂, 反而其他電器呀呢D隨時可以換既就可以買平D~。

好啦, 最難揀既地磗已經揀好~ 其他磗就相對揀得好快。我地去返「和昌」揀埋其他磗：廁所牆身用左一隻西班牙布紋磗，地磗就襯返一隻深色既布紋磗。廚房仲簡單，牆身用白色大陸磗，地面就用左隻由日日姐揀既雲石紋磗。everything done!

最後最後，再同師傅揀埋燈掣。之前睇中既圖形燈掣實在太貴，要百幾蚊一個，而且最大問題係，佢無４個開既掣的，所以最後揀左Clipsal既掣。

yeah, 離裝修完成又邁進左一步，好想快Ｄ睇下裝完間屋會係點XD

搬屋記

馬鞍山呢邊終於起7/1/2012完成裝修, 用左幾日時間執野預備, 我地終於起今日正式搬離大埔, 入住馬鞍山。而大埔呢邊將會起下星期二正式開始裝修。
唔講太多, 影相做紀錄。搬屋前一刻：

12點幾, 搬屋公司既李先生(即係搵返上次搬馬鞍山o個個)一行三個人黎搬屋, 真係快手~ 轉下眼就清走D野:

剩返日日姐屋企既雜物, 等佢地執(日日姐媽媽一早過左黎, 等我地搬走就開始執野):

下面呢個櫃, 想搬埋去馬鞍山, 但因為太大, 師傅要拆散晒先得。之後去到馬鞍山再嵌翻。淨係呢樣工作, $2,000都抵俾啦。

2家姐, 珊珊黎幫手。

OK! 入居搬入~~~ 登登登登~~~ 感覺大左好多XD, 真係開四台麻雀都無問題: