睇左「地海傳說」

簡直係"極品"呀!!!!!!!

好耐未睇過一套咁L春悶既電影!
好耐未睇過一套咁L想嘔既電影!
好耐未睇過一套咁L想提早離場既電影!

無畫功!
故事空洞!
無起承轉合!
無高潮!
總之乜L都無!

佢真係夠膽死連一d d高潮位都唔肯俾喎!
點講好呢....
故事前半部份悶, 好, 我忍你,
但去到中後部
忠o個邊(法師)同奸o個邊(法師)正邪對決
你整番少少魔法effect, 你打下我, 我打下你, 做番少少打鬥場口我都已經收貨啦
大佬, 佢真係夠膽死求求其其講兩句就打完場!
哈爾移動城堡都算悶嫁啦, 但你都有d得意既野俾我睇下(eg, 火魔, 移動城堡, 稻草人),

但呢套地海傳說真係連呢d笑位/得意位都無!

好耐未睇過一套電影, 你會feel到成個戲院既人都想割凳走人既!!!
嘖嘖聲不絕
去廁所既人不絕

套戲做完
出個"終"字
我簡直係一種解脫既感覺!!!!

雖然, 呢套戲唔係宮崎峻監製
只係佢個仔"宮崎吾朗"製作
但係大佬呀
你做人個仔, 你都唔好咁失禮你老豆呀!
唔識點整動畫
好心你返屋企拎返飄零燕, 高立的未來世界, 天空之城, 風之谷, 龍貓, 幽靈公主, 千與千尋黎煲啦!
天才!!!

如果呢套戲出vcd, 大家一定要第一時間買!
我無講錯, 係買!
因為呢d經典垃圾片
你竟然能夠起有生之年遇到
簡直係無上既光榮
唔買返套收藏
點對得住天地人間!!!

ps, 香港d電影發行商真係垃圾
淨係識得"宮崎峻", 以為佢既電影就一定要上大戲院
呢套地海傳說, 你地"電影中心"上咪算law
反而之前"大友克洋"(亞基拉製作人)既"Steam Boy", 就一間電影院都無得上
Steam Boy唔算非常好睇
但絕對值得起戲院上law