睇左杜琪峰/韋家輝新片
由劉青雲主演既
"神探"
先不論套戲
先講下觀眾
香港人好鐘意將一套電影定型
而又好多時唔鐘意o個套電影跳出佢所認為既"類型"
我相信
好多人以為"神探"係一般火爆警匪槍戰片
但睇睇下發覺, 又"見鬼", 又"心魔"
就好似貨不對辦咁發出"嘖嘖"聲
我隔離o個個觀眾仲係咁話"咁深既"
其實套戲絕對唔深唔難明
相反黎講, 仲好淺白
講既係人人心裡面都有心魔
只係用警匪片去做包裝
只不過d觀眾用睇Die Hard既方法去睇
其實"喜出望外"與"貨不對辦", 只係你用咩心去睇
呢套"神探"
好睇
同埋, 俾我一種感覺
呢套戲既戲名, 可以叫"大隻佬續集"
5 comments:
"大隻佬續集（變奏版）"。
"梵高"加"A Beautiful Mind"概念……加好多樣都似曾相識。
咩好淺白呀，散場果陣有個女觀眾話:好複雜呀！
嘻嘻！
XD
所以我話d人將套片定型就係咁解
d人覺得複雜
係因為佢地只係向"邊個係兇手", 甚至乎"劉青雲因乜事見到o個d野 / 點解佢會知道兇手係邊個"之類既角度去睇
但其實呢d一切都只係包裝, 唔重要的.
我尋晚都睇左，都唔複雜，相反覺得好好睇。
toby:
你不嬲都係叻女黎嫁啦~
太顯淺，唔係想像中o個樣野....
Post a Comment