新年雜言

1) 今年新年, 無乜大感覺, 因為初一初二都要返工, 四日假期縮水變成兩日, 有d懨悶, 不過都好既, 大時大節返office, touch wood無乜大單野都只係hea下hea下又一day, 烏蠅都去左拜年, 想拍都無.

2) 友人S今年第一年拎左牌可以派利是, 問佢興唔興奮, 佢劈頭第一句就話「新年唔應電話唔應門唔出街扮無人」。我話有得派錢俾我地呢d單身窮人係你地既福份, 佢就一句中間夾雜七個「肉赤」。唉, S小姐, 其實, 利是對我黎講, 唔重要嫁, 你封唔到$100俾我無所謂嫁....$50得嫁啦, 哇哈哈哈哈哈哈哈哈哈哈......

3) 長江七號, 會睇, 但寄望不大. 有人話周星星不再周星星了, 又如何? 呢套擺明已經唔係笑片, 如果仲要懷住睇唐伯虎點秋香既心情去睇跟住又話套戲唔好睇既時候, 我只會啤一聲咁回應你. 香港人就係咁, 定左型既野, 永遠唔可以改變.

4) 美國已經上左史太龍最新電影Rambo, 奇怪, 香港連樓梯響都聽唔到......證明我真係老了, 反而對呢套戲有著好高既入場意欲. o個d男兒血肉打打殺殺既電影一向係賣飛佛.

5) 魔街理髮師, Tim Burton + Johnny Depp, 唔使講, 鋼鐵組合, 唔睇笨實. Tim Burton係賣飛佛中既超飛佛, 佢點正法唔使多講. 不過講明先, 呢套魔街理髮師係音樂劇, 唔好又盲鐘鐘咁話做乜d角色講對白有節奏既!

6) 我肥左 -- 係肥左好撚多. 點算

7) 2月中就係渣打馬拉松. 狀態油麻地. 點算

8) 早幾個月就望新年凍d, 可能D港女怨念太勁(十個港女有十二個都勁想凍d的, 因為1: 冬天衫靚d, 2: 著得厚d, d豬腩肉拜拜肉甲組腳可以避一避風頭), 導致願望成真. 真係好檸凍呀我! 唔得, 食個杯面暖下胃先.

9) 突然間好討厭一種動物, 唔開得估的, 開左會得罪好多人. 想知, msn可以問下我

10) 鼠年新樂